केही गजल /राजन गिरी "राज"

विहे एकबार हुन्छ, बार बार हुँदैन 

विहे गर्दैमा जिन्दगी, वार पार हुँदैन |

झुटो बोल्छन मान्छे, धेरै झुटा हुन्छन 

एक्लो जीवन पनि त् ,बेकार हुँदैन |

सबै भन्दा ठुलो कुरा, सुटुक्क भन्छु 

आमा हेरौंकी श्रीमती, दोधार हुँदैन |

झगडा हुँदैन घरमा ,शान्ति छाउँछ 

तनाब लिएर मान्छे, बिमार हुँदैन |

दाम हुन्छ नाम हुन्छ, पुग्ने सबै हुन्छ 

आज म जस्तो , हल्लनटार हुँदैन |

@@@@@@@@@@@@

फरक पर्दैन अब ,घृणा गर या प्यार गर

जिन्दगी जिन्दगी रहेन ,अझै बरवाद गर | 

कुपोषणले थलापरेका , उडुस महोदय !

मेरो रगत रहुन्जेल ,आफ्नो उपचार गर | 

हेरत ! ति तारा हरु ,रात् भर रोई रहेछन्

जाऊ थोपा टिपेर ,आँशुको ब्यापार गर | 

मलाई थाहा छ ,लुटेराहरुको जमातमा छौ

यी गरीबका झुपडीमा ,केही चमत्कार गर |

@@@@@@@@@@@@@@@

नआऊ छेउमा मेरो , म मात्तिएको बेला

बेहोशीमा पिउन सक्छु ,आत्तिएको बेला |

मेरा नजर तिम्रा नजर ,लुका छुपी खेल्दा

गल्ति हुन सक्छ मुटु , साट्टीएको बेला |

जिन्दगी लाइ नशा संग ,घोली पिउंदै छु म

सहारानै येही छ शरीर , काठ्ठीएको बेला |

टाढै बस सिरमैरानी , मेरो  शिरको कसम

कता छुन्छु थाहै हुन्न, म लाट्टीएको बेला |

@@@@@@@@@@@@@

साहेब इच्छ्या मृत्यु देऊ बरु ,बाँचेर सार छैन

तिम्रो देशमा म जस्ताको ,कोइ अधिकार छैन |

बुद्धको देशमा अब ,बन्दुक चल्न थाले पछी

हनुमान जी सोध्दैछन ,मलाइ तलवार छैन ?

ए सरकार ! किन मौन छौ ,यो महांमारीमा

हुनत तिम्रो पनि बोले जस्तो ,ब्याबहार छैन | 

फोन गरेर सोध्दैछ छोरो ,पानी जहाजको

कसरी सम्झाऊ उसलाई, कुनै आधार छैन |

परिवार पाल्न जवानी ,काटिसकेकी छोरी

भन्छिन विहे गर्न मेरो ,अहिले हतार छैन | 

@@@@@@@@@@@@@@@

न आफ्ना छन् न आफन्ती छन् ,जे छन् पैसामै छन्

तर पैसा कमाउने हर यत्न प्रयत्न ,सबै नाकामै छन् | 

उनको भविष्य राम्रो होला भन्दै ,जोडेको सम्पती त्यो

सुख चाहिएको सबैलाई साहेद, उनीहरु आरामै छन् |

बाह्र छोरा तेह्र नाती  ,दुखको थैलो आफैं माथि भन्थे

साँच्चै रहेछ बाआमा अझै ,गोठका कुनामै छन् |

अंश मागेर अलग हुन ,पटक पटक आयो छोरो

आमाको आँखामा उसको नाभी ,अँगेनामै छन

@@@@@@@@@@@@@@@

मन्दिरमा रेसमी कपडा चढाई ,बाहिर बलात्कार गर्छन 

नाता, उमेर, जिन्दगी हेर्दैनन् ,इज्जत तार-तार गर्छन |

न्याय कानुन हातमा लिन्छन ,पावोर देखाउन थाल्छन

धम्कि दिंदैं इज्जत किन्छन ,पैसालाई सर्मसार गर्छन |

मनभरी पीडा बोकी ,छाती माथि ढुंगा राख्दै 

लाचार परिवार त्यो पैसाले ,बलात्कृतको उपचार गर्छन |

@@@@@@@@@@@@@

म दुखी छैन खुशी मात्र हुन ,नसकेको हो

तिमीलाई तनाब दिन्न भनि ,रुन नसकेको हो 

सोच्दाहुन मान्छे हरु मलाई ,कठोर सोच्दाहुन

मुटु त मेरो पनि दुख्छ ,बताउन नसकेको हो | 

भित्ताको तिम्रो तस्बिरले ,मलाई हेर्दै रुन खोज्दा 

म औकातमा उभिएको मान्छे ,छून नसकेको हो |

@@@@@@@@@@@@@@@@

खेती गरेर के गर्नु आफ्नो, लगानी उठदैन

आ काल लैजा भन्दा ,जिन्दगानी उठ्दैन 

आकाश रुँदैन , कुलो नहरको ,खै ब्यबस्था

जावो भुँइको सिन्को पनि ,नतानी उठदैन | 

जाग मेरा किसानहरु ,कति खप्छौ पिडा अरु

निदाएको कपास पनि ,लौरो नहानी उठ्दैन | 

तिलहरी बेचेर छोरो ,मुग्लान पठाउँछिन आमा

कठै  !आफु मर्दा अस्तुको ,खरानी उठदैन |

@@@@@@@@@@@@@@

तिम्रो बाटोमा माटोको ,घर आउँदैन

म जस्तो सानो तिनो ,नजर आउँदैन |

खुशीको आँखामा आँशुको ,ठाउँ राखिरहनु

दशा बाजा बजाउंदै ,वर पर आउँदैन |

मलाई थाहा छ दुख के हो पीडा के हो

त्यसैले त परेलीमा पानी बर बर आउँदैन |

@@@@@@@@@@@@@@ 

हो मेरो अस्तित्व मेटिएको थिएन ,मेट्न खोजिएको हो

घाँटी समातेर भुत्ते खुकुरीले ,रेट्न खोजिएको हो ।

म आत्तिएर छट्पटिँदै ,गुहार गुहार चिल्लाई रहेँ

साथ दिन आउने बाटनै मलाई ,अंचेट्न खोजिएको हो ।

मलाई थाहा छ आँखा अघिकै, विश्वास गर्छन मान्छेहरु

मेरो राम नै हराए पछि ,हनुमान लखेट्न  खोजिएको हो ।

सम्झियो दुश्मनले दुश्मनी लिएरै ,बोलाउन पठायो

मलाई बिकाऊ सम्झिएर साहेद ,भेट्न खोजिएको हो ।

@@@@@@@@@@@@@@@@

आँशु दिएर उनि संग, दिल किनेको मान्छे

ब्यापारी पो रैछिन बरा ,मैले चिनेको मान्छे |

टुक्रा टुक्रा बिक्री भएँ ,आफ्नै आँखा अघि

बिस्वास गर्नै नसकिने ,संगै हिंडेको मान्छे |

दिनहुँकै यसै गरि ,लाखौँ प्रेमी मर्छन तर

मुटु चिरी देखाउंदैनन् ,खुशी छिनेको मान्छे |

आफ्नो सम्झी जसको निम्ती ,आफैँ रित्तिएँ

ऊनि रैछिन आँखा अघि, उभिनेको मान्छे |

थला परेको छ आज एउटा, बिशाल हृदय

छल कपटका तीर हरुले ,उधिनेको मान्छे |

@@@@@@@@@@@@@

मेघ गर्जेर फूल फुल्दैन ,पानी नपाईकन 

फु गरेर बल्ब निभ्दैन ,बटन नदवाईकन |

चर्को बोलेर भोगटे ,झार्न खोज्छन् मान्छे

झर्दैन भेट्नोमा ऊ ,तोस्रो नलगाइकन |

येहाँ सोच्ने समय छैन हजुर ,सम्झाउनु पर्छ

आमाले अमृत पियाउंदिनन, बच्चा नकाराईकन |

झुट बोल्छन अनशन बसें ,अन्न पानी त्यागें भनी

लो बाँचेर देखाओस् त् ,दस दिन नखाईकन !

@@@@@@@@@@@@@@

@@@@@@@@@

राजन गिरी "राज"

रुपा गाउँपालिका ३ 

कास्की