गजल / राजन गिरी "राज"
तिमी रिसाउँदा के गरिन मैले ,मनाउनको लागि
धिक्कार छ , उल्टै चाल चल्यौ , दिल जलाउनको लागि |
पागल थिएँ सोची रहें , मेरो नै तक्दिर खराब किन !
थाहा पाएँ भगवान् घुस लिन्छ , मलाई रुवाउनको लागि |
हरेक प्रयास गर्नेछु भुल्न , चिर निद्रामा जानु अघि
उ ! आयो मृत्युको फरमाइस , मलाई उठाउनको लागि |
मैले बुझिसकेको छु अब ,तिम्रो अगाडी रुने छैन
बिचरा घाईते दिलनै मान्दैन , कसैमा धाउनको लागि |
एकपटक मेरो प्रेमलाई कमसेकम , बुझेर त् हेर्थ्यौ तिमी !
म स्वोर्ग उतारी दिन्थ्यें धर्तीमा , तिमीलाई पाउनको लागि |
तर , अब तिमी जाँदैछु त् जाऊ , मेरो भन्नु केही छैन !
म सँग अब के नै बच्यो र , तिमीलाई बताउनको लागि |
समाप्त
@@@@
राजन गिरी "राज"
रुपा गाउँपालिका ३
कास्की ग.प्र
Comments
Post a Comment