मेरो कबुलनामा ; / राजन गिरी "राज"
बाआमाको खुशी बोकेर जन्मिएपछि आफ्नो होश सम्हालेर हिंडेको नै आज २२/२५ बर्ष बितिसक्यो | मेरो आफ्नो विगतलाई हेर्ने हो भने न त म बाआमाको असल पुत्र बन्न सकें न गुरुको असल शिष्य नै बन्न सकें , न श्रीमतीको असल श्रीमान बन्न सकें न त छोरा छोरीको निम्ति असल बाबा बन्न सकें | म हजुरहरुको खुशीलाई सही न्याय दिन सकिन मलाई माफ गरिदिनुस | म सोच्दैछु उमेरको यो पड़ाउमा आखिर म के बनेँ ! यो चिमोटेर दुख्ने छाला मेरो नै हो या मात्र ऐनाको प्रतिबिम्ब मै सिमित मान्छेको ढाँचा मात्र | के मान्छेको जिन्दगी जन्मियो , विहे गर्यो , जागिर खायो अनि मर्यो यतिमै सिमित हुनेहो ? या यो भन्दा पर कुनै अर्को दुनियाँ छ जहाँ कि खुशी छ ,आत्मा सन्तुष्टि छ , आफू हुनुको गर्व हुन्छ | यदि छ भने कुन बाटो हिंडेर म त्याहाँ पुग्न सक्छु त ! "यो जो मैले देखेको तिम्रो संसार छ यो झुटो छ , यहाँ मान्छेहरू आपसमा झगडा गर्छन, एकले अर्कोलाई मार्छन , बा आमा लाइ वृद्ध आश्रम पठाएर छोरा छोरी मोज गरेर बस्छन ,उनीहरुलाइ गाली गर्छन, कुटपिट गर्छन , मान्छेहरू आफ्नो हितको लागि बोट बिरुवा काट्छन् , जनावर माथि अत्याचार गर्छन , अनेक बहाना पारेर उनल